بەهۆی ئاگركەوتنەوە لە زیندانێكی ئیندۆنیسیا 40 كەس گیانیان لەدەستدا.
بەپێی هەواڵێكی ئاژانسی ڕۆیتەرز، ئەمڕۆ چوارشیەممە بەهۆی كەوتنەوەی ئاگرێك لەزیندانی هەرێمی “بانتن” لە ئیندۆنیسیا لانیكەم 40 كەس گیانیان لەدەستداوە و بەدەیان كەسیش برینداربوون.
هاوكات وتەبێژی حكومەتی هەرێمەكە ئاماژەی بەوەكردووە، لێكۆڵینەوەكانیان دەستپێكردووە و تائێستا هۆكاری كەوتنەوەی ئاگرەكە نازانرێت.
باسی لەوەشكردووە، بریندارەكان گواستراونەتەوە بۆنەخۆشخانە و تیمەكانی فریاگوزاریش سەرقاڵی كۆنترۆڵكردنی ئاگرەكەن.
