بێگەرد تاڵەبانی وەزیری کشتوکاڵ و سەرچاوەکانی ئاو بڕیاریدا بە دابەزاندنی بەشێک لە دەسەڵاتە هونەری و کارگێڕییەکانی بۆ ئاستی بەڕێوەبەرایەتییە گشتییەکانی پارێزگاکان.
لە ڕاگەیەندراوێکدا وەزارەتی کشتوکاڵ بڵاویکردەوە، “لەپێناو بەرژەوەندیی گشتی و خزمەتکردنی زیاتری جوتیاران و خاوەنکار و پرۆژەکان و کەمکردنەوەی ڕۆتین لە فەرمانگەکانی وەزارەتی کشتوکاڵ و سەرچاوەکانی ئاو، وەزیری کشتوکاڵ بەشێکی زۆری دەسەڵاتە هونەری و کارگێڕییەکانی دابەزاند بۆ بەڕێوەبەری گشتیی کشتوکاڵی پارێزگاکانی هەرێمی کوردستان بەنووسراوی ژمارە ( 5755) لە 2021/8/22”.
بەشێك لەو دەسەڵاتانەی دابەزێنراون بۆ بەڕێوەبەرایەتییەکان بریتین لە، “پێدانی مۆڵەتی بەخێوکەر بۆ ساڵێک، پێدانی مۆڵەتی بێ موچە بۆ ساڵێک و هەڵوەشاندنەوەی مۆڵەتی بێ موچە، دەسەڵاتی خەرجکردنی دەرماڵەکان بەپێی یاسا، پێدانی دەسەڵاتی ڕێکخستنی گرێبەستی کشتوکاڵی، هەڵوەشاندنەوەی گرێبەستی کشتوکاڵی و هەروەها دابینكردنی زەوی بۆ بەشێك لە پڕۆژەكان”.
دەقی بڕیاری دابەزاندنی دەسەڵاتەکان بۆ بەڕێوەبەرایەتییەکان:
