پۆلیسی هەولێر دەستگیركردنی ژنێك بە تۆمەتی دزینی 65 مسقاڵ زێڕ و بڕێك پارە ڕادەگەیەنێت.
بەڕێوەبەرایەتیی پۆلیسی پارێزگای هەولێر بڵاویكردەوە، “نوسینگەی باشووری بەشی پۆلیسی نەهێشتنی تاوان تۆمەتبارێکی ئافرەتیان بە ناوی (ز.م.ھ) بە تۆمەتی دزینی (65 مسقاڵ زێڕ) و بڕی (دوو ملیۆن و 500 هەزار دینار) دەستگیرکرد.
“تۆمەتبار دانیناوە بە تاوانەکەیدا، بۆیە بە بڕیاری دادوەری لێکۆڵینەوە و بە گوێرەی ماددەی (444) لە یاسای سزادان ڕاگیراوە”، وەك ئەوەی پۆلیسی هەولێر ئاماژەی پێداوە.
