تەلەفزیۆنی یۆنان بڵاویكردەوە كە ئاگرێكی نوێ لە دارستانەكانی باكووری هەرێمی ئەتیكا، باشووری ڕۆژهەڵاتی یۆنان، باكووری ئەسینای پایتەخت كەوتووەتەوە.
ئاگرێكی گەورەی نوێ لە نزیك شارۆچكەی فاریبوبی كەوتەوە و پەرەیسەند تا گەیشتە ڕێگەی ناوەندیی نێوان ئەسینا و ساڵۆنیك، كە بووە هۆی داخستنی ڕێگاكە لە ناوچەی ئاگرەكەدا.
هاوكات دانیشتووانی ناوچە نزیكەكان دوورخرانەوە.
بەپێی میدیاكانی وڵاتەكە پێنج هاوڵاتی برینداربوون و لە نەخۆشخانە چارەسەریان بۆكراوە.
هاوشێوەی توركیا، یۆنانیش توشی دۆخێكی دژوار بووەتەوە بەهۆی ئاگركەوتنەوە لە دارستانەكانیدا، كە بەرۆكی ناوچە دانیشتوان نشینەكان و كشتوكاڵییەكانیشی گرتووە.
ماوەی 10 ڕۆژە شەپۆلێكی گەرما وڵاتەكەی گرتووەتەوە بەجۆرێك پلەكانی گەرما گەیشتووەتە 40 پلە.
س: نۆڤۆستی + RT
