زیاتر لە 170 هەزار دۆلار لە كۆمپانیایەكی پڕۆژەی نیشتەجێبوون لە گەرمیان دزرا و پێنج كەس بەمەبەستی لێكۆڵینەوە دەستگیركراون.
پەیامنێرمان لە گەرمیان پێی ڕاگەیاندین، لە ناحیەی ڕزگاری سەر بە قەزای كەلار بڕی 138500 دۆلار (سیانزە دەفتەر و 85 وەرەقە) و 50 ملیۆن دینار لە بینای كۆمپانیای پڕۆژەی نیشتەجێبوونی نۆژین سیتی دزراوە.
وتیشی، “كۆی پارەكە لە ناو قاسەی كۆمپانیاكە دەرهێنراوە”.
لەسەر زاری سەرچاوە ئەمنییەكانی گەرمیانیشەوە بڵاویكردەوە، پێنج كەس بەمەبەستی لێكۆڵینەوە دەستگیركراون و، هێزەكانی پۆلیسیش لێكۆڵینەوەیان دەستپێكردووە.
