تەلەفزیۆنی فەرمیی ئێران ئاشکرایکرد شەوی پێنج شەممە کەسێک لە پارێزگای لوڕستان کوژراوە بە تەقەی کەسانی نەناسراو، شایەتحاڵەکانیش دەڵێن بەتەقەی ڕاستەوخۆی هێزە ئەمنییەکان کوژراوە.
شەوی ڕابردوو گرتە ڤیدیۆیی ساتی گیانلەدەستدانی گەنجێکی ئێرانی لە هەرێمی لوڕستان لەکاتی خۆپیشاندانەکان بڵابووەوە کە گولە بەر جەستەی کەوتووە، تەلەفزیۆنی فەرمیی ئێران ڕایگەیاند لەلایەن کەسانی نەناسراوەوە تەقەی لێکراوە.
ئەو گەنجەی گیانیلەدەستداوە ناوی ئومێد ئازەرخوشە و تەمەنی 20 ساڵ بووە، شەوی ڕابردوو لە خۆپیشاندانەکانی ئەلیگودارز لە هەرێمی لوڕستان کوژرا.
شایەتحاڵەکانی خۆپیشاندانەکان دەڵێن، ئومێد ئازەرخوش بەتەقەی ڕاستەوخۆی هێزە ئەمنییەکان کوژراوە، تەلەفزیۆنی فەرمیی ئێرانیش دەڵێت بە تەقەی کەسانی نەناسراو کوژراوە.
امید آذرخوش جوان ۲۰ ساله
در اعتراضات شامگاه پنجشنبه در الیگودرز استان لرستان کشته شد.
در حالی که شاهدان عینی میگویند آذرخوش با شلیک مستقیم نیروهای امنیتی به قتل رسید، خبرگزاری صداوسیمای دولت ایران مدعی شده او در «تیراندازیهای مشکوک از طرف برخی عوامل ناشناس» کشته شد. pic.twitter.com/Whfca3gYG3— العربیه فارسی (@AlArabiya_Fa) July 23, 2021
دوای ئەم ڕووداوە ڕێکخراوی هیومان ڕایتس وۆچ لە ڕاگەیەندراوێکدا ئاشکرایکرد کە دەسەڵاتی ئەمنیی ئێران هێز بەکاردەهێنێت بۆ کۆتاییهێنان بە خۆپیشاندانەکان.
هەروەها تاران داوای لێکۆڵینەوەی جددی کردووە سەبارەت بە گیانلەدەستدانی لانیکەم سێ کەس لە خۆپیشاندانەکان و لێپێچینەوەی ئەوانەی بەرپرسیاربوون لێی، چارەسەرکردنی کێشەی ئاو لەهەموو ناوچەکان.
هەشتەم ڕۆژە خۆپیشاندانەکانی ناوچەی ئەهوازی باشووری ڕۆژئاوای ئێران بۆ دابینکردنی ئاو و پێداویستییە سەرەتاییەکان بەردەوامە.
