مستەفا كازمی، سەرۆكوەزیرانی عێراق، ئەمڕۆ پێنجشەممە 15ی تشرینی یەكەم پێشوازی لە ماكسیم ماكسیمۆڤ، باڵیۆزی ڕوسیا لە بەغداد كرد.
نووسینگەی ڕاگەیاندنی سەرۆكوەزیرانی عێراق لە ڕاگەیاندراوێكدا وردەكاریی سەردانەكەی باڵیۆزی ڕوسیا-ی بۆ لای كازمی ئاشكراكرد و ڕایگەیاند، “ماكسیمۆڤ، سڵاوی سەركردایەتیی ڕوسیا-ی گەیاندووە بە مستەفا كازمی سەرۆكوەزیران، سەركردایەتیی ڕوسیا هیوای خواستووە كازمی لە سەركردایەتیكردنی حكومەتدا سەركەوتووبێت بە تایبەت لەكاتێكدا ئەو هەموو ئاڵنگارییەی لەپێشدایە.”
ڕاگەیاندراوەكە نووسینگەی ڕاگەیاندنی سەرۆكوەزیرانی عێراق ڕایگەیاندووە، “لە كۆبوونەوەكەی كازمی و باڵیۆزی ڕوسیا لە بەغداد، پەیوەندییەكانی نێوان عێراق و ڕوسیا لە بوارەكانی سیاسی و ئابوری و ئاسایشدا تاووتوێكراون. گفتوگۆشكراوە سەبارەت بە دۆخی هەرێمی و ڕێگەكانی هاوئاهەنگیی هاوبەش لەنێوان عێراق و ڕوسیا دا لەپێناو سەقامگیركردنی ناوچەكە.”
