پەیمانگایەكی نێوەدەوڵەتی پێشبینیكردووە، تا سێ دەیەی دیكە جیهان 18%ی بەرهەمی ناوخۆیی خۆی لەدەست بدات.
پەیمانگای “سویس ری” لە ڕاپۆرتێكدا ئاماژەی بەوەكردووە، “تا ساڵی 2050، ئابوریی جیهان لەڕووی بەرهەمی ناوخۆییەوە زیانی گەورەی پێدەگات و 18%ی لەدەست دەدات”.
بەگوێرەی پێشبینییەكانی پەیمانگاكە، تا ئەو كاتە پلەی گەرمای زەوی 3.2 پلە بەرز دەبێتەوە.
ئاماژەی بەوەشكردووە، ئەگەر لە جیهاندا ڕێوشوێن بگیرێتە بەر ئەوا ئەو ڕێژەیە بۆ 14% و بەرزبوونەوەی پلەی گەرماش بۆ 2.6 پلە كەم دەبێتەوە.
هۆشداریی ئەوەشی داوە، ئابوریی ئاسیا زۆرترین زیانی پێدەگات و تەنها چین 24%ی بەرهەمی ناوخۆی خۆی لە دەست دەدات تا سێ دەیەی دیكە.
ئەوەشی ئاشكراكردووە، بەڵام تا ئەو كاتە ئەمریكا 10% و ئەوروپا 11%ی بەرهەمی ناوخۆی لەدەستدەدات.
لە كۆتایی ڕاپۆرتەكەیدا پەیمانگاكە باسی لەوەشكردووە، دەكرێت زیانەكان قورس تر بن ئەگەر ڕێوشوێنی خێرا نەگیرێتەبەر.
