نرخی نەوتی خاو بەشێوەیەكی بەرچاو لە هەڵكشاندایە، نرخی یەك بەرمیل نەوتی خاوی برێنت 67 دۆلاری تێپەڕاندووە، هۆكارەكەشی دەگەڕێندرێتەوە بۆ دابەزینی نرخی دۆلار لە جیهاندا.
لەكاتی بڵاوكردنەوەی ئەم هەواڵە (دووشەممە 19ی نیسان)، نرخی یەك بەرمیل نەوتی خاوی برێنت بەرامبەرە بە 67 دۆلار و 5 سەنت.
هەروەها نرخی یەك بەرمیل نەوتی خاوی ڕۆژئاوای تەكساس (ئەمریكی) بەرامبەرە بە 63 دۆلار و 45 سەنت.
بەگوێرەی ئاژانسی ڕۆیتەرز، بەرزبوونەوەی نرخی نەوتی خاو لە جیهاندا دەگەرێتەوە بۆ ئەوەی، نرخی دۆلار بەجۆرێك دابەزیوە شەش هەفتەیە دابەزینی وای بەخۆیەوە نەبینیوە.
