وتەبێژی وەزارەتی تەندروستیی هەرێم ڕایگەیاند، ژمارەیەكی زۆر لە پزیشكان و كارمەندانی تەندروستی لە ئێستادا توشبووی ڤایرۆسی كۆرۆنان و ئەمەش بۆشاییەكی گەورەی لە كەرتی تەندروستی دروست كردووە.
ئاسۆ حەوێزی، وتەبێژی وەزارەتی تەندروستیی هەرێم ڕایگەیاند، ” لەهەمان كاتدا ڕێژەی تۆماركراوانی توشبووی رۆژانە نزیك دەبێتەوە لە 11% پێشبینیش دەكرێت زۆر لەمە زیاتر بێت”.
وتەبێژی وەزارەتی تەندروستیی هەرێم هۆشداریداوەتە هاوڵاتییان کە هاوکاری یەکدی و وەزارەت بن بۆ تێپەڕاندنی ئەم شەپۆلەی ڤایرۆسی کۆرۆنا.
هەر ئەمڕۆ وەزیری تەندروستیی هەرێم هۆشداریدا لە بەرزبوونەوەی ڕێژەی مردن و توشبوون بە ڤایرۆسی کۆرۆنا و ڕایگەیاند، ئامارەکان لە ماوەی 24 کاتژمێری ڕابردوودا مەترسیدارن.
