بەڕێوبەرایەتیی هەواڵگریی سەربازی، ئەمڕۆ دووشەممە 8ی شوبات ڕایگەیاند کە بەڕێوبەری پێگە ئەلکترۆنییەکانی داعش لە تۆڕە کۆمەڵایەتییەکان لە پارێزگای کەرکوک دەستگیرکرا.
لە ڕاگەیەنراوێکدا بەڕێوبەرایەتیی هەواڵگریی سەربازی بڵاویکردەوە، “لە چالاکییەکی ورد و بە چاودێری بەردەوامی مەفرەزەکانی هەواڵگریی سەربازی لە فیرقەی 14، بەڕێوبەری پێگە ئەلکترۆنییەکانی داعش لە ناوچەی زابی پارێزگای کەرکوک دەستگیرکرا”.
لە ڕاگەیەنراوەکەدا هاتووە، “ئەو بەرپرسەی داعش لە تورکیاوە هاتووە و هەستاوە بە دروستکردن وبەڕێوەبردنی پێگە وەهمییەکانی داعش لە تۆڕە کۆمەڵایەتییەکان، هەروەها ئاسانکاری کردووە بۆ نیشتەجێکردنی ئەندامانی داعش لە تورکیا”.
ڕاشیگەیاندووە، “ئەو تیرۆریستە ڕادەستی دادگا دەکرێت و ئێستا بە مادەی 4ی تیرۆر دەستگیرکراوە”.
