سوپای ئێران ڕایدەگەیەنێت، هەر هێرشێك لە لەلایەن وڵاتانی ناوچەكەوە بكرێتە سەر خاكی وڵاتەكەیان وەڵامی توند و كاریگەریان دەبێت و دەشڵێت، “هەڕەشەكانی واشنتن بێوەڵام نابێت”.
سوپای ئێران لە ڕاگەیەندراوێكدا بڵاویكردەوە، هێزەكانیان لە ئامادەباشی تەواودان و لە ئەگەری هەر هێرشێك لەلایەن وڵاتانی ناوچەكەوە ڕاستەوخۆ وەڵامی كاریگەر و توندیان دەبێت.
ئاماژەی بەوەشكردووە، لێدوانەكانی دۆناڵد ترەمپی سەرۆكی ئەمریكا و ئیدارەكەی بە هەڕەشەی ڕاستەوخۆ هەژماردەكەن و هەر دەستدرێژییەك بكرێتە سەر خاكی وڵاتەكەیان بێوەڵام تێناپەڕێت.
لەلایەكی دیكەشەوە لەبارەی ئەگەری هێرشی وڵاتانی كەنداو و بەشداریكردنیان لەم جەنگەدا سوپای ئێران ئەوەی خستووەتەڕوو، ئەگەر وڵاتانی كەنداو بەشداری هەر هێرشێك بكەن ئەوا ڕاستەوخۆ ژێرخانی ئابوورییەكانیان وەك ئامانجێكی ڕەوا دەبینن.
