بەڕێوەبەرایەتیی کەشناسیی هەرێمی کوردستان رایدەگەیەنێت، درەنگانی ئەمشەو شەپۆلێکی بارانبارین روو لە ناوچەکانی هەرێمی کوردستان دەکات.
بەڕێوەبەرایەتیی کەشناسی و بومەلەرزەزانیی هەرێمی کوردستان رایگەیاند، ئەمڕۆ شەممە، ئاسمان هەوری تەواو دەبێت، لە زۆربەی کاتەکاندا لە سنووری پارێزگای دهۆک و ناوچەکانی باکووری هەرێمی کوردستان نمەباران دەبارێت، دواتر لە درەنگانی شەودا کاریگەری دابارین زیاددەکات و لە زۆربەی ناوچەکانی هەرێمی کوردستان نمەباران و بارانی مامناوەند دەبارێت، هەروەها پلەی گەرمی بەراورد بە تۆمارەکانی دوێنێ کەمێک بەرزتردەبێتەوە.
ئەوەشی خستەڕوو، سبەی یەکشەممە، ئاسمان هەوری باراناوی دەبێت، نمەباران و بارانی مامناوەند لە زۆربەی ناوچەکان دەبارێت، لە پاشنیوەڕۆ، کاریگەری دابارین کەمتر دەبێت، بەڵام نمەبارانی پچڕپچڕ لە هەندێک کات و شوێندا بەردەوام دەبێت.
