ئەمڕۆ لە شاری سلێمانی گەورەترین پێشانگەی “صنع في العراق” لە سلێمانی بەڕێوەدەچێت.
حەسەن رەحیم، سەرپەرشتیاری پێشانگەی “صنع في العراق” بە تۆڕی میدیایی ئێستای راگەیاند، ئەمە سێهەمین خولی پێشانگەکەیە و چوار رۆژ بەردەوامدەبێت و تیایدا 90 کۆمپانیا بەشداریدەکەن، هەروەها زۆرترین بەرهەمەکانی پێشانگەکە بەرهەمی هەرێمی کوردستان و عێراقن.
وتیشی، لە زۆربەی بوارە جیاوازەکاندا بەرهەمەکان لێرە نیشاندەدرێن، هەروەها بازرگانان دەتوانن بێن و لێرە بریکارنامە لە کۆمپانیاکانەوە وەربگرن و گرێبەست لە سەرجەم بوارە جیاوازەکاندا ئەنجامبدەن.
باسی لەوەشکرد، هاوڵاتییان ناتوانن لە پێشانگەکە کاڵا بکڕن، بەڵکو دەتوانن کوالێتی و جۆری کاڵاکان ببینن و بزانن هەرێمی کوردستان لە رووی بەرهەمهێنانی کاڵا جیاوازەکان بە کوێ گەیشتووە.
