سەرۆکایەتیی شارەوانیی سلێمانی رایدەگەیەنێت، نۆژەنکردنەوەی شەقام و کۆڵانەکانی ئەو شارە بەردەوامە و ئەمڕۆ چەند کۆڵانێکی گەڕەکی بەختیاری قیرتاوکران.
سەرۆکایەتیی شارەوانیی سلێمانی لە راگەیەندراوێکدا بڵاویکردەوە، ئەمڕۆ پێنجشەممە، لەلایەن تیمەکانمان، دەستکرا بە کاری قیرتاوکردنی چەند کۆڵان و شەقامێک لە گەڕەکی بەختیاری.
ئاماژەی بەوەشکرد، بەپێی کەشوهەوای گونجاو و بوونی بودجە، نۆژەکردنەوە و قیرتاوکردنی شەقام و کۆڵانەکان، بەردەوامیی دەبێت.
