قوباد تاڵەبانی رایگەیاند، کێشەکانی هەرێم و بەغداد بە پینەوپەڕۆ چارەسەر ناکرێن، لە جیاتی پینەوپەڕۆ پێویستە کۆی پەیوەندییەکانی هەرێم و بەغداد لە چوارچێوەی نەشتەرگەرییەکی گەورەدا چارەسەر دەکرێت.
قوباد تاڵەبانی لێپرسراوی مەکتەبی سکرتاریەتی سەرۆک مام جەلال رایگەیاند، “پێش دوو ساڵ وتم کێشەکانی هەرێم و بەغداد بە پینەوپەڕۆ چارەسەر ناکرێن، ئێستاش یەکێتی پێیوایە لە جیاتی پینەوپەڕۆ پێویستە کۆی پەیوەندییەکانی هەرێم و بەغداد لە چوارچێوەی نەشتەرگەرییەکی گەورەدا چارەسەر بکرێن”.
ئاماژەی بەوەشکرد، “یەکێتی کار دەکات تا کێشەی مووچە و بودجە و هەموو کێشەکانی دیکە لە چوارچێوەی رێککەوتنێکی گشتگیری درێژخایەن چارەسەر بکات و داوای جێبەجێکردنی ماددە بە ماددەی دەستوور لەلایەن هەردوو حکومەتی فیدراڵ و هەرێمەوە دەکات”.
ئاشکراشیکرد، “ئەگەر یەکێتی بە کورسی و قورساییەکی زیاترەوە لە بەغداد ئامادەبێت، دەتوانێت کاری گەورە بکات”.
