باڵیۆزی عێراق لە لیبیا رایدەگەیەنێت، ئەمڕۆ لە رێگەی فڕۆکەخانەی هەولێرەوە 40 کۆچبەری کورد دەگەڕێندرێنەوە بۆ هەرێم.
ئەحمەد سەحاف، باڵیۆزی عێراق لە لیبیا رایگەیاند، “ئەمڕۆ شەممە لە رێگەی فڕۆکەیەکی تایبەتەوە 40 کۆچبەری کورد دەگەڕێندرێنەوە بۆ هەولێر، گەشتەکە لە شاری تەرابلوسی لیبیاوە دەستپیدەکات، پاشان بۆ ئیستانبوڵ و دواتر بۆ هەولێر”.
دەشڵێت، “بە هاوکاریی حکومەتی هەرێمی کوردستان خواردن، دەرمان و بلیتی فڕۆکەمان بۆ ئەو کۆچبەرانە بەردەستخستووە”.
باسی لەوەشکرد، “لەپێناو گەڕاندنەوەی ئەو کۆچبەرانەدا هەوڵێکی زۆرمان داوە، هەروەها لە هەوڵداین 35 کۆچبەری دیکەش بگەڕێنینەوە”.
