هاتوچۆی سلێمانی لەبارەی ئەو شەپۆلی خۆڵبارینەی رووی لە ناوچەکە کردووە، هۆشداری دەداتە شۆفێران.
بەڕێوەبەرایەتیی هاتوچۆی سلێمانی رایگەیاند، بەهۆی شەپۆلی خۆڵبارین لە شارەکانی هەرێمی کوردستان و کەمبوونەوەی رادەی بینین، بە پێویستی دەزانین هۆشداری بدەین بە شۆفێران کە بەشێوەیەکی تەواو بەرپرسیارانە شۆفێری بکەن و پابەندی ئەم رێنماییانە بن لە پێناو سەلامەتیی گیانی خۆتان و ئازیزانتان:
– کەمکردنەوەی خێرایی.
– پاراستنی ماوەی سەلامەتی لە نێوان ئۆتۆمبێلەکان.
– داگیرساندنی گڵۆپی تەم.
– بەکارهێنانی ماسک بۆ پاراستنی تەندروستیت.
دەشڵێت، سەبارەت بە ناوچە شاخاوییەکان و رێگاکانی دەرەوەی شار، تا دەکرێت ئەو رێگایانە بەکارنەهێنرێت و گەشتەکان دوابخرێن تاوەکو ئەو کاتەی ئەم شەپۆلی خۆڵبارینە کۆتایی پێدێت.
هاتوچۆی سلێمانی ئەوەشی باسکردووە، لەکاتی پێویست، دەتوانن سوود لەم هێڵە گەرمانە وەربگرن بۆ بەهاناوەچوون:
188 کۆنترۆڵی هاتووچۆ
100 سەنتەری هەماهەنگیی پەیوەندییەکان PJCC
122 فریاگوزاریی تەندروستی
115 بەرگریی شارستانی
104 پۆلیسی فریاکەوتن
106 ئاسایش
