وتەبێژی کۆمسیۆنی هەڵبژاردنەکانی عێراق رایگەیاند، زیاتر لە 400 هەزار کەس داواکارییان بۆ کارمەندی سەر سندوقی دەنگدان پێشکەشکردووە.
جومانە غەلای، وتەبێژی کۆمسیۆنی باڵای سەربەخۆی هەڵبژاردنەکانی عێراق رایگەیاند، تاوەکو ئێستا 433 هەزار و 655 کەس فۆڕمی بوون بە کارمەندی سەر سندوقی دەنگدانیان پڕکردووەتەوە.
وتیشی، “لەو ژمارەیە 250 هەزار و 125 کەسیان فەرمانبەرن و 183 هەزار و 530 کەسیشیان دانەمەزراون، هەروەها 302 هەزار و187 کەسیان لە رەگەزی نێرن و 131 هەزار و 468 کەسیشیان لە رەگەزی مێن”.
