ئاسایشی سلێمانی دەستگیرکردنی دوو تۆمەتبار لەسەر فرۆشتنی سەماعەی قۆپیکردن رادەگەیەنێت.
بەڕێوەبەرایەتی ئاسایشی پارێزگای سلێمانی، رایگەیاند، لە رۆژی 18ی ئایاری 2025، بەڕێوەبەرایەتیی ئاسایشی پارێزگای سلێمانی، دوای بەدواداچوون و کۆکردنەوەی زانیاری، بە بڕیاری دادوەری لێکۆڵینەوەی ئاسایش، هەوڵێکی فرۆشتنی سەماعەی قوپیکردن بەشێوازی فرۆشتنی ئۆنلاین شکست پێدەهێنێت و تۆمەتباران دەستگیردەکات کە بەنیازبوون ئامێرەکانیان ساغبکەنەوە.
دەشڵێت، دەزگای ئاسایشی هەرێم بەهەماهەنگیی وەزارەتی پەروەردەی حکومەتی هەرێم، بۆ رێگریکردن لەهەر هەوڵێکی مامەڵەکردن بە (ئامێرەکانی قۆپیکردن و پرسیاری ئەزموونەکان) بەردەوامە، بە مەبەستی فەراهەمکردنی کەشێکی ئارام بۆ ئەنجامدانی تاقیکردنەوەکان.
باس لەوەشدەکات، ئێستا تۆمەتباران بەماددەی 240 لە یاسای سزادانی عێراقی دەستگیرکراون و لێکۆڵینەوە لە دۆسیەکانیان بەردەوامە .
