هونەرمەندی گۆرانیبێژی کورد محەمەد عەباس بارام لە وڵاتی ئوردن کۆچی دواییکرد.
بەرەبەیانی ئەمڕۆ هونەرمەندی گۆرانیبێژی کورد محەمەد عەباس بارام دوای ماوەیەکی زۆر لە تووشبوونی بەنەخۆشی لە یەکێک لە نەخۆشخانەکانی وڵاتی ئوردن کۆچی دواییکرد.
محەمەد عەباس بارام لە ساڵی 1952 لە گەڕەکی تەپەی مەلا عەبدوڵڵای شاری کەرکوک لەدایکبووە، بەشی میوزیکی لە پەیمانگەی هونەرە جوانەکانی بەغداد تەواوکردووە، تا ئێستا نزیکەی 30 گۆرانیی تۆمارکراوی هەیە کە دیارترینیان گۆرانییەکانی (توڕە مەبە خۆت زیز مەکە، زەردەپەڕی جوان، ئاگرێکی بی خۆڵەمێش و کیژۆڵەی سوورە گوڵە).
ناوبراو لە چەندین ئاهەنگ و فێستیڤاڵی هونەریی کوردی لە دەرەوەی کوردستان بەشداریی کردووە، لەڕووی میوزیکەوە پیانۆژەنێکی بەتوانابوو.
محەمەد عەباس بارام لەساڵی 2019 ەوە بەهۆی نەخۆشییەوە دەیناڵاند، تا دواجار هەر بەو هۆیەوە کۆچی دواییکرد.
