قائیمقامیه‌تی سلێمانی رایدەگەیەنێت، “قۆناغی دووەمی ئاگربڕین له دارستانه‌كان جێبەجێدەکرێت”.
قائیمقامیه‌تی سلێمانی بڵاویکردەوە، بەمەبەستی پاراستنی دارستانه‌كان و رێگریکردن لە ئاگرکەوتنەوە بەگشتی و چیای ئەزمڕ و گۆیژە به‌تایبه‌تی، بەسەرپەرشتیی قائیمقامی سلێمانی لیژنەی فریاگوزاریی خێرا کۆبووەوە.
ئاوات محەمەد، قائیمقامی سلێمانی رایگەیاندووە، پێشتر و لەسەرەتای وەرزی بەهاردا قۆناغی یەکەمی ئاگربڕین بەدەرمانی تایبه‌ت به‌ئاگربڕ جێبه‌جێكراوه، ئێستا هەوڵدەدەین بە ئامێر و دابینکردنی کارمەند و كرێكار قۆناغی دووەمی ئاگربڕین له دارستانه‌كان جێبەجێبکەین.
باس لەوەشدەکات، ئێستا هەوڵدەدەین بەهاوکاریی فەرمانگە خزمەتگوزارییەکان، پۆلیس و ئاسایشی سلێمانی رێگری لە ئاگرکەوتنەوە بکەین.
