بژمێرەکانی پرۆسەی سەرژمێری لە هەولێر و سلێمانی گردبوونەوە و داوای مووچە دەکەن.
ئەمڕۆ دووشەممە، 14ی نیسانی 2025، لە هەولێر و سلێمانی بژمێرەکانی سەرژمێریی گشتیی دانیشتووان، گردبوونەوە و داوای مووچەی مانگی 12 دەکەن.
یەکێک لە بژمێرەکانی سلێمانی کە لە گردبوونەوەکەدا بەشداربوو، بۆ تۆڕی میدیایی ئێستای راگەیاند، “گرێبەستێکی دوو مانگیمان لەگەڵ ئاماری سلێمانیدا هەبوو بۆ مووچە، بەڵام تەنها مووچەی مانگی 11مان وەرگرتووە و مووچەی مانگی 12مان بۆ خەرجنەکراوە، پێویستە بە زووترین کات دابەشبکرێت”.
وتیشی، “لە سنووری پارێزگای سلێمانی ژمارەمان نزیکەی هەشت هەزار بژمێرە کە مووچەی مانگی 12مان وەرنەگرتووە و لە پارێزگاکانی دیکەش بە هەمان شێوە ئەو مووچەیە دابەش نەکراوە”.
