لە رۆژانی داهاتوودا ناوی 50 هەزار فەرمانبەر بۆ وەرگرتنی زەوی ئامادەدەکرێت و دەدرێتە شارەوانییەکان.
سەربەست مەولود، بەڕێوەبەریی وردبینی و رێکخستنی فۆڕمی دابەشکردنی زەوی لە وەزارەتی شارەوانیی حکومەتی هەرێم رایگەیاند، لە چەند رۆژی داهاتوودا ناوی 50 هەزار فەرمانبەر و خانەنشین بۆ وەرگرتنی زەوی ئامادەدەکرێت.
ئاماژەی بەوەشدا، هەوڵ دەدرێت لەماوەی 10 رۆژی داهاتوودا لیستێکی نوێ لە ناوی فەرمانبەران و خانەنشینان ئامادەبکرێت بۆ وەرگرتنی زەوی، کە ژمارەیان 50 هەزار کەس دەبێت.
ئەوەشی خستەڕوو، لیستی ناوەکان دەنێردرێتە ئەنجومەنی وەزیران و دوای وەرگرتنی رەزامەندی، دواتر رەوانەی شارەوانییەکان دەکرێت تا بەپێی شوێنی زەوییەکە دابەشیبکەن.
