وەزارەتی دارایی وادەی رەوانەكردنی لیستی مووچەی مانگی 3ی مووچەخۆرانی هەرێمی بۆ بەغداد ئاشكراكرد.
وەزارەتی دارایی هەرێم لە راگەیەندراوێكدا بڵاویكردەوە، لەگەڵ سەرجەم وەزارەت و بەڕێوەبەرایەتییەكاندا لەسەر هێڵن لەپێناو ئەوەی بەخێرایی لیستی مووچەی مانگی 3 ئامادەبكەن.
ئاماژەی بەوەشكردووە، تەواوی هەوڵەكانی خۆیان چڕكردووەتەوە لەپێناو ئەوەی هەفتەی داهاتوو لیستی مووچەی مانگی ئازار رەوانەی بەغداد بكەن.
ئەمڕۆ چوارشەممە وەزارەتی دارایی و ئابووری هەرێمی كوردستان رایگەیاند، بۆ ئەم مانگە لەلایەن وەزارەتی دارایی حكومەتی فیدراڵەوە بڕی 957,925,880,078 دینار وەك تەمویلی مووچەی مانگی شوباتی فەرمانبەران و مووچەخۆرانی هەرێمی كوردستان خرایە سەر هەژماری بانكیی وەزارەتی دارایی و سبەی پێنجشەممەش دەست بە دابەشكردنی مووچە دەكرێت.
