لە رووداوێکی هاتوچۆدا لەسەر رێگای حەولی کەرکوک چوار ئەندامی یەک خێزان گیانیان لەدەستدا و کەسێکی دیکەش کە ئەندامی هەمان خێزانە برینداربوو.
پەیامنێری تۆڕی میدیایی ئێستا لە شاری کەرکوک گواستییەوە، ئێوارەی ئەمڕۆ لەسەر رێگای حەولی کەرکوک رووداوێکی سەختی هاتوچۆ لە جۆری وەرگەڕان روویدا و بەهۆیەوە چوار کەس گیانیان لەدەستدا و کەسێکی دیکەش برینداربوون.
ئاشکراشیکرد، قوربانییەکان سەرجەمیان ئەندامی یەک خێزانن، ئەوانەی گیانیان لەدەستداوە دایک و باوک و کچێک و کوڕێکیانن و کچێکی 13 ساڵانی دیکەشیان برینداربووە و گەیەندراوەتە نەخۆشخانە.
