کەشناسیی عێراق رایدەگەیەنێت، بارانبارین بەردەوامبێت و لە چەند رۆژی داهاتووشدا، تەم دروستدەبێت.
دەستەی گشتیی کەشناسی و بومەلەرزەزانیی عێراق بڵاویکردەوە، شەپۆلی ئێستای بارانبارین کە تەواوی عێراقی گرتووەتەوە، لە نێوان مامناوەند و بەهێز لە ژمارەیەک ناوچە بەردەوامدەبێت و هەندێکجار بەشێوەیەکی پچڕپچڕ دەوستێت و دەستپێدەکاتەوە.
ئاماژەی بەوەشکرد، شەپۆلی بارانەکە لە نیوەڕۆی ئەمڕۆ شەممەدا، لە زۆرێک لە ناوچەکان بە هەرێمی کوردستانیشەوە، کەمدەبێتەوە و دەبێتە سوک بۆ مامناوەند، سبەی یەکشەممەش تەم دروستدەبێت.
بەپێی ئەو خشتەیەی کەشناسیی عێراق لەبارەی بڕی بارانبارینی 24 کاتژمێری رابردوو بڵاویکردووەتەوە، پارێزگای بەغداد زۆرترین رێژەی بارانی لێباریوە و گەیشتووەتە زیاتر له 72 ملم.
