بەڕێوەبەرایەتیی كەشناسیی هەرێم رایدەگەیەنێت، لە ئەنجامی كاریگەریی نزمە پاڵەپەستۆی دەریای سوور پێشبینیدەكرێت ئەمشەو شەپۆلێكی بارانبارین لە چەند ناوچەیەك دەستپێبكاتەوە و لەگەڵ بارینی بەفر لەسەر لوتكەی چیا بەرزەكانی باكوور و باكووری رۆژهەڵاتی هەرێم.
بەپێی راگەیەندراوێكی بەڕێوەبەرایەتیی كەشناسیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، لە ئەنجامی كاریگەریی نزمە پاڵەپەستۆی دەریای سوور پێشبینیدەكرێت ئەمشەو شەپۆلێكی بارانبارین روو بكاتە كەركوك و زۆربەی ناوچەكانی گەرمیان و هەڵەبجە و سلێمانی كە لە هەندێك ناوچە هەورە بروسكەی لەگەڵ دەبێت دواتر كاریگەرییەكەی لە درەنگانی شەودا درێژدەبێتەوە بۆ سەر پارێزگای هەولێر و ناوچە شاخاوییەكانی و پارێزگای دهۆك و ناوچە شاخاوییەكانی لەگەڵ بارینی بەفر لە سەر لوتكەی چیا بەرزەكانی باكوور و باكووری رۆژهەڵاتی هەرێم و پلەكانی گەرما بۆ رۆژانی دواتر (6-8) پلە دادەبەزێت بە بەراورد بە پلەی گەرمی ئەمڕۆ .
ئاماژە بۆ ئەوەش كراوە، پێشبینیدەكرێت ئەم ناوچانەی خوارەوە ڕێژەیەكی بارانی زیاتری لێ ببارێت:
1- پارێزگای كەركوك لە كاتەكانی دوای نیوەشەودا.
2- سەنتەری شاری هەولێر و باشووری رۆژئاوای شارەكە لە كاتەكانی بەرەبەیانیدا.
