عەبدوڵا ئۆجەلان لە پەیامێکدا داوای لە پارتی کرێکارانی کوردستان (پەکەکە) کرد کە چەک دابنێت و خۆێ هەڵبوەشێنێتەوە.
ئۆجەلان لە پەیامەکەیدا دەڵێت، پەکەکە لە سەردەمی شەڕدا دروستبوو و بەرپرسیاریەتیی چەکدانانیشی دەگرێتەئەستۆ.
ئاماژە بەوەشدەکات، پێویستە زمانی ئاشتی و دیموكراسی پێشبخرێت؛ داواش لە پەکەکە دەکات، کۆنگرەی خۆی ببەستێت، بڕیاری خۆی بدات و گوێڕایەڵیی بانگەوازەکەیشی بێت.
راشیگەیاند، پارتی کرێکارانی کوردستان (پەکەکە) کاتێک دروستبوو، ئازادییەکان لە تورکیا قەدەغەکرابوون و بوونی کورد رەتدەکرایەوە و رێگەی سیاسی داخرابوو، ئێستاش ئەمە نەماوە.
