کەشناسیی هەرێم رایدەگەیەنێت، “سبەینێ لە سەنتەری پارێزگاکانی سلێمانی و هەڵەبجە بەفر دەبارێت”.
بەڕێوەبەرایەتیی گشتیی کەشناسی و بومەلەرزەزانیی هەرێم، لە راگەیەندراوێکدا بڵاویکردەوە، ئەمڕۆ شەممە ئاسمان بەگشتى ساماڵ و پەڵەهەور دەبێت، لە رۆژهەڵاتى هەرێم هەورى تەواو دەبێت لەگەڵ بارینى بەفر و بارانێکى کەم وە لەگەڵ هەندێک لە ناوچە شاخاوییە سنوورییەکان، لە کاتەکانى شەودا دەگۆڕێت بۆ هەورى تەواو، پلەی گەرمی بە (1 – 3) پلەى سیلیزى بەراورد بە تۆمارکراوەکانی دوێنێ نزمدەبێتەوە.
لەبارەی کەشوهەوای سبەینێوە کەشناسیی هەرێم دەڵێت، “سبەینێ یەکشەممە ئاسمان هەورى تەواو دەبێت، لەگەڵ بارینی بەفر لە زۆربەى ناوچە بەرزەکانى رۆژهەڵات و باکوورى رۆژهەڵاتى هەرێم بەشێوەى پچڕ پچڕ، بەفربارین سەنتەرى پارێزگاکانی سلێمانى و هەڵەبجە دەگرێتەوە، بەفرێکى کەم لەسەنتەرى پارێزگاى هەولێرو کەرکوک دەبارێت، پلەی گەرمی بە (2 – 4) پلەى سیلیزى لە تۆمارکراوەکانی ئەمڕۆ نزمدەبێتەوە.
بەرزترین پلەی گەرمیی پێشبینیکراو بە پلەی سیلیزی:
هەولێر : 6 پلەی سیلیزی
سلێمانی : 2 پلەی سیلیزی
دهۆک : 4 پلەی سیلیزی
زاخۆ : 5 پلەی سیلیزی
هەڵەبجە : 3 پلەی سیلیزی
کەرکوک : 7 پلەی سیلیزی
گەرمیان : 7 پلەی سیلیزی
