عومرەکارێکی کورد دوای دوومانگ مانەوەی لە نەخۆشخانەدا لە مەککە کۆچی دواییکرد.
ئەمڕۆ شەممە، بەڕێوەبەرایەتیی گشتی حەج و عومرەی کوردستان رایگەیاند، عومرەکارێکی کورد بەناوی (ئیبراهیم رەشوو محەمەد) لە مەککە کۆچی دواییکرد.
ئاماژە بەوەدراوە، عومرەکارەکە تەمەنی زیاتر لە 60 ساڵ بووە و دانیشتووی قەزای ئاکرێ بووە، دوای ئەوەی لە وڵاتی سعودییە تووشی رووداوێکی هاتوچۆ دەبێت و ماوەی دوو مانگ لە نەخۆشخانەدا دەمێنێتەوە، کۆچی دواییدەکات.
ئەوەش خراوەتەڕوو، بڕیارە ناوبراو لە مەککە بەخاک بسپێردریت.
