کارەبای سلێمانی، رایگەیاند، “وێستگەیەكی گەورەی بەرهەمهێنانی كارەبا لە وزەی خۆر دادەمەزرێت”.
بەڕێوەبەرایەتیی گشتیی کارەبای سلێمانی لە راگەیەندراوێکدا بڵاویکردەوە، كارگەیەكی كەرتی تایبەت لە ناحیەی عەربەت وێستگەیەكی بەرهەمهێنانی كارەبا لە وزەی خۆر دادەمەزرێنێت كە توانای بەرهەمهێنانی یەك مێگاوات و (200) كیلۆوات كارەبای هەیە، كە دەكاتە نزیكەی 60-70%ی پێداویستیی كارگەكە.
باس لەوەشدەکات، وێستگەكە پێكهاتووە لە دانانی (1400) پەناڵی (650) كیلۆواتی، كە لەسەر (45) ستاندی (40) پەناڵی دانراون، پرۆژەكە لەلایەن كۆمپانیای بامۆك بە هەماهەنگیی بەشی وزە نوێبووەكانی بەڕێوەبەرایەتیی گشتیی كارەبای سلێمانی و بەڕێوەبەرایەتیی دابەشكردنی كارەبای سلێمانی/ رۆژهەڵات جێبەجێكراوە و لە قۆناغی كۆتایدایە.
کارەبای سلێمانی دەڵێت، پێشتریش ئەو كۆمپانیایە لە فامیلی مۆڵ وێستگەیەكی دیكەی داناوە، كە توانای 2 مێگاوات و 200 كیلۆوات كارەبای هەیە.
