لە شاری سلێمانی بۆ یەکەمجار نەشتەرگەرییەکی دەگمەن بۆ منداڵێکی 11 ساڵ بە سەرکەوتوویی ئەنجامدرا.
د. دارا ئەحمەد محەمەد پزیشکی پسپۆڕی هەرس و جگەر رایگەیاند، ئەمڕۆ لە شاری سلێمانی هەستاین بە ئەنجامدانی نەشتەرگەرییەکی دەگمەن بۆ چارەخوازێکی تەمەن 11 ساڵ کە نەخۆشییەکی دەگمەنی توشبووبوو.
وتیشی “نەخۆشییەکە بریتیبوو لە هەڵئاوسانی بۆری زراو و دروستبوونی کیسی جگەر و پاش ئەنجامدانی نەشتەرگەرییەکی پێنج بۆ شەش کاتژمێری، لە ئێستادا دۆخی تەندروستی چارەخوازەکە سوپاس بۆ خوا زۆرباشە”.
ئاماژەی بەوەشدا، بۆ یەکەمجارە لە شاری سلێمانیدا نەشتەرگەرییەکی لەم جۆرە ئەنجامدەدرێت.
