میدیاكانی عێراق بڵاویانكردەوە، حكومەتی عێراق بڕی یەك ترلیۆن و 200 ملیار دینار بۆ مووچەی مانگەكانی 11 و 12 بۆ هەرێمی كوردستان دەنێرێت.
بەپێی هەواڵێكی ماڵپەڕی بەغداد ئەلیەوم كە تێیدا هاتووە، بڕی یەك ترلیۆن و 200 ملیار دینار بۆ مووچەی مانگەكانی 11 و 12 بۆ هەرێمی كوردستان دەنێردرێت و پارەی پێویست بۆ مووچەی مانگی 12ی فەرمانبەرانی هەرێمی كوردستان 996 ملیار دینارە و لە هەمانكانكاتدا وەزارەتی دارایی عێراق بڕی 200 ملیار دینار وەكو تەواوكاریی مووچەی مانگی 11 دەنێرێت.
ئەوەشخراوەتەڕوو، ناردنی بەشێك لە پارەی تەرخانكراو بۆ مووچە دەكەوێت ناوەڕاستی هەفتەی داهاتووەوە.
جێی ئاماژە بۆكردنە، پێشتر وەزارەتی دارایی هەرێم لە راگەیەندراوێكدا بڵاویكردبووەوە كە بڕی 631 ملیار دینار وەكو تەموویلی مووچەی مانگی 11 لەلایەن بەغداوە نێردراوە.
