بەڕێوەبەرایەتیی تەندروستیی راپەڕین بڵاویکردەوە، ماوەی چەند رۆژێکە تەرمی گەنجێک لە پەیمانگەی پزیشکیی دادوەری رانیەیە و هیچ کەسێک نەهاتووە بۆ وەرگرتنەوەی.
بەڕێوەبەرایەتییەکە لە ئاگادارییەکدا بڵاویکردووەتەوە، ماوەی چەند رۆژێکە تەرمی گەنجێک لە پزیشکی دادوەری رانیەیە کە بەهۆی رووداوێکی هاتووچۆوە گیانی لەدەستداوە و هیچ کەسێک نەهاتووە بۆ وەرگرتنەوەی.
ئاماژەی بەوەشکردووە، گەنجەکە ئۆتۆمبێلێکی لە جۆری BMW رەنگ مارۆنی پێبووە و هیچ ناسنامەیەکی پێنەبووە، داواکارین هەر کەسێک زانیاریی لەبارەیەوە هەیە کەسوکاری ئاگاداربکاتەوە بۆ وەرگرتنەوەی تەرمەکەی.
