بەڕێوەبەری راگەیاندن و پەیوەندییەکان لە پۆلیسی سلێمانی رایگەیاند، هەر کەسێک ئاسنی پۆستەرەکانی بانگەشەی هەڵبژاردن لێبکاتەوە و بیبات بۆ خۆی بە دزی هەژماردەکرێت.
سەرکەوت ئەحمەد بەڕێوەبەری راگەیاندن و پەیوەندییەکانی پۆلیسی سلێمانی بە تۆڕی میدیایی ئێستای راگەیاند، بەپێی یاسا هەرکەسێک هەر شتێک ببات بۆ خۆی کە هی ئەو نییە بە دزی هەژماردەکرێت، جا پۆستەری بانگەشەی هەڵبژاردن یان هەر شتێکی دیکە بێت.
باسیلەوەشکرد، ئەو کەسانەی بانگەشەی هەڵبژاردنیان کردووە، کۆمسیۆنی باڵای هەڵبژاردنەکان ماوەی مانگێکی پێداون بۆ لابردنی، لەبەرئەوە ئەوان خۆیان لێیدەکەنەوە و دواتر ئازادن چیلێدەکەن، هەڵیدەگرن یان دەیفرۆشنەوە.
