بەڕێوەبەرایەتیی پەروەردەی پێنجوێن ئاگاداری ئەو مامۆستایانە دەكاتەوە كە پێشتر وانەبێژبوون و وازیان هێناوە سەردانی دیوانی پەروەردە بكەن بۆ پڕكردنەوەی فۆڕم.
بەڕێوەبەرایەتیی پەروەردەی پێنجوێن لە ئاگادارییەك ئاراستەی ئەو كەسانە دەکات كە پێشتر مامۆستای وانەبێژبوون و دواتر بە هەر هۆكارێك وازیان هێناوە لەكاری مامۆستایی و لە ئێستادا بەردەوام نین لەكاری وانەبێژی، سەردانی دیوانی بەڕێوەبەرێتیمان بكەن بەمەبەستی پڕكردنەوەی (فۆڕمی تایبەت بەوانەبێژی دانەمەزراوی بەجێهێشتوو) لەبەرواری دیاریكراودا.
هەر لە راگەیەندراوەكەدا هاتوو، رۆژی دووشەممە 23ی ئەیلول پسپۆڕیەكانی زمانی كوردی و عەرەبی و ئینگلیزی سەردانمان بكەن و رۆژی سێشەممە سەرجەم پسپۆڕییەكانی تر سەردانمان بكەن.
دەشڵێت، “پێویستە هەر كەسێك فۆڕمەكە پڕدەكاتەوە پێناسی كارتی نیشتمانی ئەسڵی پێبێت و خۆی ئامادەبێت و هەر فەرمان و نووسراوێكی تایبەت لای ئەو كەسانە هەیە كە وەك بەڵگە بیسەلمێنێت پێشتر وانەبێژ بووە لەگەڵ خۆیدا بیهێنێت”.
