بە گوێرەی زانیارییەکانی پەیامنێری تۆڕی میدیایی ئێستا، بڕیارە ئەمڕۆ ئەنجوومەنی وەزیرانی هەرێمی کوردستان کۆببێتەوە و گفتوگۆی چەند پرسێک بکات.
هەر بە گوێرەی زانیارییەکان کۆبوونەوەکە لەسەر یەکخستنەوەی دارایی و ژمێریاریی نێوان هەردوو حکومەتی هەرێم و حکومەتی فیدڕاڵی دەبێت و تاوتوێی کۆتا سەردانی وەفدی هەرێم بۆ بەغداد دەکرێت.
بەشێکی دیکەی کۆبوونەوەکە تایبەتدەبێت بە پرسی مووچەی مانگی ئابی فەرمانبەران و مووچەخۆران و گفتوگۆکردنی کارەکانی دیوانی چاودێریی دارایی هەرێم و فیدڕاڵ.
