کێشەی کارەبای پرۆژەی ئاوی سلێمانی چارەسەرکرا و دابەشکردنی ئاو بەسەر ئەو گەڕەکانەی کێشەی کەمئاویان بۆ دروستبووبوو دەستپێدەکاتەوە.
وەزارەتی کارەبا بڵاویکردەوە، تیمەکانی کارەبای سلێمانی کێشەی هێڵی 33 کەی ڤیی دووکان و پڕۆژەی ئاوی سلێمانیان چارەسەرکرد و کارەبایان بۆ پڕۆژەی ئاوەکەیان گەڕاندەوە.
پێشتر بەڕێوەبەرایەتیی ئاوی سلێمانی بڵاویکردەوە، بەداخەوە بەهۆی بڕانی چەند جارەی کارەبا لە پڕۆژەکانی دابەشکردنی ئاو زۆربەی گەڕەکەکانی شاری سلێمانی بەتایبەت گەڕەکەکانی ناوچەی قڕگە و کوردسات و هەواری شار بۆ ماوەی یەک رۆژ دابەشکردنی ئاو دوادەکەوێت.
