سۆران عومەر، ئەندامی ئەنجومەنی نوێنەرانی عێراق رایدەگەیەنێت، چەندین ساڵە حكومەتی هەرێم لیژنە دروستدەكات بۆ بەهەمیشەیی كردنی گرێبەستەكان و بێئەنجام دەبێت، دوا لیژنە دوو مانگ لەمەوبەر دروستكرا تاوەكو لە 15 رۆژدا كارەكانیان لەسەر بەهەمیشەییكردنی گرێبەستەكان تەواوبكەن.
دەشڵێت، “ئەم لیژنەش تائێستە بێ ئەنجامبووە، لەكاتێك دا ئەگەر گرێبەستەكان بكەن بەهەمیشەیی پارەی مانگانەیان زیادناكات و عێراقیش كێشەی نابێت”.
ئەو پەرلەمانتارە باسی لەوەش كردووە، پلە بەرزكردنەوە راوەستاوە بڕوانامەی دوای دامەزراندن بەگرێبەست هەژمارناكەن، ئەوەی سێ ساڵی تەواونەكردبێن ناكرێت بەهەمیشەیی، ئەوەی تەمەنی تێپەڕیبێت خانەنشین دەكرێت، خزمەتی گرێبەستیان بۆ خانەنشینی سوودی لێ دەبینرێت پێویستە بكرێنە هەمیشەیی
