ئەندامێكی ئەنجومەنی نوێنەرانی عێراق رایدەگەیەنێت، دوای بڕیارەكەی دادگای فیدراڵی و هەمواری یاسای بودجە كێشەی مووچەی فەرمانبەرانی هەرێم چارەسەركراوە و بۆ مووچەی هێزە ئەمنییەكانیش پێویستە داتا و زانیاریی پێویست رەوانەی بەغداد بكرێت.
د. بڕیار رەشید، ئەندامی ئەنجومەنی نوێنەرانی عێراق لە لێدوانێكیدا رایگەیاند، لە دوای بڕیارەكەی دادگای فیدراڵیی عێراق و هەمواری یاسای بودجە كێشەی مووچەی فەرمانبەرانی هەرێم چارەسەركراوە.
وتیشی، “بۆ مووچەی هێزە ئەمنییەكان پێویستە داتا و زانیاریی پێویست بۆ بەغداد بنێردرێت تاوەكو كێشەی مووچەی هێزە ئەمنییەكان چارەسەربكرێت و ئێمەش بەردەوام لەسەر هێڵ دەبین بۆ چارەسەركردنی ئەو كێشەیە”.
