وتەبێژی بەرگریی شارستانیی سۆران بە تۆڕی میدیایی ئێستای راگەیاند، گەنجێکی تەمەن 16 ساڵ کە لەگەڵ خانەوادەکەی روویان لە سنوورەکە کردووە، خنکاوە و تائێستا تەرمەکەی نەدۆزراوەتەوە.
رەوەند هاودیانی، وتەبێژی بەرگریی شارستانیی سۆران ئاماژەی بەوەشکرد، تیمەکانی بەرگریی شارستانی چۆمان لە شوێنی رووداوەکەن و بەدوای تەرمەکەدا دەگەڕێن.
باسی لەوەشکرد، گەنجەکە نەخۆشی داونی هەبووە و خنکاوە، بەڵام نازانن بەهۆی مەلەکردنەوە بووە یاخود کەوتووەتە ناو ئاوەکە و هێشتا زانیارییەکان سەرەتایین.
