ئەندامێكی ئەنجومەنی نوێنەرانی عێراق رایدەگەیەنێت، لە هەمواری یاسای بودجەدا پرسی مووچە لە بابەتی خەرجیی فیعلی جیاكراوەتەوە و بەوەش كێشەی مووچەی مووچەخۆرانی هەرێم چارەسەردەبێت و ئەو گرفتەی لەبەردەم ناردنی مووچە هەبووە چارەسەردەبێت.
غەریب ئەحمەد ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، لە هەمواری یاسای بودجەدا مووچە لە بابەتی خەرجیی فیعلی جیاكراوەتەوە و بەوەش كێشەی مووچەی مووچەخۆرانی هەرێم چارەسەردەبێت و ئەو گرفتانەی هەبوون پێشتر سەرهەڵنادەنەوە و مووچە بە پرسی نەوت و داهاتە نانەوتییەكانەوە نابەسترێتەوە.
ئەو پەرلەمانتارە جەختیشیكردەوە و وتیشی، ” ئەو گرفتەی لەبەردەم ناردنی مووچە هەبوون دوای پەسەندکردنی هەمواری یاسای بودجە لە پەرلەمان چارەسەردەبێت”.
