کەشناسیی هەرێم: ئەمڕۆ و سبەینێ باران دەبارێت

بەپێی پێشبینییەکانی کەشناسی، ئەمڕۆ و سبەینێ لە چەند ناوچەیەکی هەرێم باران دەبارێت.

بەڕێوەبەرایەتیی گشتیی کەشناسی و بومەلەرزەزانیی هەرێم لە راگەیەندراوێکدا بڵاویکردەوە، ئەمڕۆ سێشەممە، ئاسمان پەڵە هەور و نیمچە هەور دەبێت ئەگەری تاوە باران لە هەندێک لە ناوچە شاخاوییە بەرز و سنوورییەکان هەیە، پلەی گەرمی نزیک دەبێتەوە لە تۆمارکراوی دوێنێ .

لەبارەی کەشوهەوای سبەینێوە بەڕێوەبەرایەتییەکە دەڵێت، سبەی چوارشەممە، ئاسمان نیمچە هەور دەبێت لە کاتەکانی نیوەڕۆ ئەگەری باران بارینی کەم هەیە لەگەڵ هەورە بروسکە لەسەر ناوچە شاخاوییەکان بە گشتی و لە سەنتەری پارێزگاکان ئەگەری بارینی نمە باران دەبێت، لە کاتەکانی ئێوارەدا کەشەکە جێگیردەبێت، لەگەڵ بەرزبوونەوەی تۆز و خۆڵێکی سووک لە کەشی ناوچەکەمان، پلەی گەرمی بە (1-2) پلەی سیلیزی بەراورد بە تۆمارکراوی ئەمرۆ نزمدەبێتەوە.

بەرزترین پلەی گەرمیی پێشبینیکراو بە پلەی سیلیزی :

هەولێر : 33

سلێمانی : 27

دهۆک : 32

کەرکوک : 36

هەڵەبجە : 30

زاخۆ : 32

سۆران : 27

حاجی ئۆمەران : 18

گەرمیان : 36