راوێژكارێكی سەرۆك وەزیرانی عێراق رایدەگەیەنێت، ناردنی مووچەی مووچەخۆرانی هەرێم لەلایەن حكومەتی عێراقەوە بەردەوامدەبێت و حكومەت پابەندە بە جێبەجێكردنی بڕیارەكەی دادگای فیدراڵیی عێراق.
فادی شەممەری، راوێژكاری محەمەد شیاع سودانی سەرۆك وەزیرانی عێراق لە دیدارێكی تەلەفزیۆنیدا رایگەیاند، بەپێی فەرمانی سەرۆك وەزیرانی عێراق و پاڵپشت بە بڕیارەكەی دادگای فیدراڵیی عێراق ناردنی پارەی تەرخانكراو بۆ مووچەی مووچەخۆرانی هەرێمی كوردستان بەردەوامدەبێت.
وتیشی، “پێویستە حكومەتی هەرێم هەماهەنگ بێت بۆ تەواوكردنی سەرجەم رێكارەكانی تایبەت بە پێدانی مووچەی مووچەخۆرانی هەرێم و جگەلەوەش پێدانی مووچە بە مووچەخۆران لە تەواوی عێراقدا ئەركی حكومەتی عێراقە بەبێ جیاوازی”.
