بەپێی زانیارییەكانی تۆڕی میدیایی ئێستا، ئەو ژنەی كە ناوی (رۆشنا محەمەد ئەحمەد)بوو کە لەدایكبووی ساڵی2003، دانیشتووی كەلار بوو كەمێك پێش ئێستا دۆزراوەتەوە.
هاوكات بەڕێوەبەرایەتیی پۆلیسی گەرمیان لە روونكردنەوەیەكیدا كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای ئەوەی بەیانیی ئەمڕۆ هەواڵێكمان بڵاوكردەوە لەسەر ونبوونی ئافرەتێك كە دانیشتووی قەزای كەلار بوو دووچاری نەخۆشیی دەروونی بووبوو بەوتەی كەسوكاری لەدوێنێوە لە ماڵ دەرچووبوو نەگەڕابووەوە، خۆشبەختانە توانیمان سۆراغی ئەو ئافرەتە بزانین كە سەلامەتە و لە شوێنێكی پارێزراودایە لە ئێستادا كەسوكاریمان ئاگاداركردووەتەوە.
