ئاسۆ محەمەد، بەڕێوەبەری گشتیی هاتوچۆی سلێمانی لە لێدوانێکدا بە تۆڕی میدیای ئێستایی راگەیاند، کارمەندەکانمان بە ئاشکرا پێمان دەڵێن کە بەداخەوە ناتوانین دەوام بکەین، چونکە هیچ سەرچاوەیەکی دیکەی داراییمان نییە و پارەمان پێنەماوە.”
بەڕێوەبەری گشتیی هاتوچۆی سلێمانی وتیشی، “کارمەندەکانمان زۆر دڵسۆزن، ئێستا کە دەوام ناکەن، دڵخۆش نین بەو بڕیارە، بەڵام وەک خۆیان دەڵێن، پارەیان پێ نەماوە و ناتوانن چیتر بەم جۆرە دەوام بکەن، هەندێکیان دەڵێن پارەی هاتووچۆیان پێنەماوە و ژیانیان تەواو خراپە، ئەوان بە مووچەکانیان دەژین و کە مووچەیان نەدرێتی ناتوانن بەو جۆرە بژین.”
