بەڕێوەبەرایەتیی گشتیی کارەبای سلێمانی لەبارەی کارکردنی مۆلیدە ئەهلییەکانەوە لە مانگی رەمەزاندا خشتەیەکی نوێی دیکەی بڵاوکردەوە.
لە بارەی خشتە نوێیەکەوە بەڕێوەبەرایەتیی گشتیی کارەبای سلێمانی ئاماژە بەوە دەکات، “رۆژانە مۆلیدەکان لە کاتژمێر 1:00ی پاشنیوەڕۆ تاوەکو کاتژمێر 1:00ی شەو کاردەکەن، بەڵام لە 1:00ی شەو بۆ 3:00ی بەرەبەیانی کارناکەن، لەبەرامبەردا 3:00ی بەرەبەیان بۆ 5:30ی بەیانی کاردەکەن”.
دەشڵێت، “بەپێی ئەم بەرنامە نوێیە بەیانیان کاتژمێر 6:30 بۆ 8:00ی بەیانی کارناکەن و رۆژانی هەینی و پشووەکانیش هەمان بەرنامە دەبێت”.
