نرخی نەوت بە سەقامگیری ماوەتەوە لە ئەمڕۆدا، لە کاتێکدا بازرگانان هەڵسەنگاندن بۆ سەردانەکەی ئەنتۆنی بلینکن، وەزیری دەرەوەی ئەمریکا بۆ رۆژهەڵاتی ناوەڕاست دەکەن.
بلینکن رۆژی دووشەممە لەگەڵ محەمەد بن سەلمان شازادەی جێنشینی سعودیە کۆبووەوە و بڕیار وایە لە سەردانەکەیدا چەند وڵاتێکی دیکەش بکات بەر لە گەڕانەوە، هەندێک پێیان وایە ئەم سەردانە ببێتە هۆی گەیشتن بە ئاگربەست لە غەززە.
لە بەیانی ئەمرۆ سێشەممەدا، نرخی بەرمیلێک نەوتی خاوی برێنت لە بازاڕە جیهانییەکان بەرامبەر بە 78 دۆلار و 17 سەنت مامەڵەی پێوەکرا، لەلایەکی دیکەشەوە بەرمیلێک نەوتی خاوی ئەمریکی بەرامبەر بە 72 دۆلار و 93 سەنت مامەڵەی پێوەدەکرێت.
