لە رێگای شەقڵاوە – قەندیل، کامێراکانی خاڵ بۆ خاڵ بەشێوەی تاقیکردنەوە کەوتنەکار و لە رۆژی 20ی ئەم مانگەوە سەرپێچییەکان تۆماردەکرێن.
بەڕێوەبەرایەتیی هاتوچۆی هەولێر، لە راگەیەندراوێکدا بڵاویکردەوە، شۆفێران ئاگادار دەکەینەوە لە ئەمڕۆ شەممەوە کامێراکانی تۆمارکردنی سەرپێچی خێرایی خاڵ بۆ خاڵ لە رێگای (شەقڵاوە – قەندیل) بەشێوەی تاقیکردنەوە دەکەونەکار.
ئاماژە بەوەش دەکات، کامێراکان تاوەکو 10ی شوباتی 2024 کاتژمێر 12ی شەو بەشێوەی تاقیکردنەوە کاردەکەن و لەدوای ئەوەوە سەرپێچیەکانی تیژڕۆیی لە سیستمی سزادانی هاتوچۆ تۆماردەکەن.
بەپێی راگەیەندراوەکە، بەرزترین خێرایی رێگا پێدراو بۆ ئۆتۆمبێلە بچوکەکان 100 کیلۆمەترە لە کاتژمێرێکدا، و بۆ ئۆتۆمبێلی بارهەڵگری گەورەش 80 کیلۆمەتر لە کاتژمێرێک دیاریکراوە.
